,,Skora á ráðherra að endurskoða afstöðu sína

Nú finnst mér þessar hagræðingar aðgerðir ríkisstjórnar vera að missa marks. Til dæmis með skattahækkunum, aukinni heimild til hækkunar útsvars gerast 2 hlutir: Meiri peningur kemur inn í kassann hjá ríki og sveitarfélögum og það sem verra er þá er tekinn meiri peningur frá fólkinu sem gerir þeim erfiðara fyrir að borga af sínum lánum og reikninga sem getur leitt til þess að eignanám verði gert á fleira fólki en þörf er á.

Reyndar eru nokkur sveitarfélög sem hækkuðu ekki útsvarsprósentu sína og er ekkert nema gott um það að segja, sum sáu meira að segja hvað þurfti að gera og lækkuðu prósentuna hjá sér og skáru niður í útgjöldum sem því nam.

Þessi aðgerð frá ráðherra heilbrigðismálanna má segja að sé alveg stórfurðuleg þar sem þetta leiðir því miður til aukins atvinnuleysis og það er ekki einhvað sem ríkisstjórninn ætti að vera að stuðla að af augljósum ástæðum. Staður sem mér þykir henta vel til niðurskurðar er í Utanríkisþjónustunni þar sem Ísland er með 31 sendiskrifstofu í 23 löndum og eru nokkrar sem mér er fyrirmunað að skilja ástæðu þeirra eins og t.d. í Marshalleyjum, Dóminíska lýðveldinu, Nepal.

Vitaskuld er þetta mín skoðun og þarf ekki endilega að vera einhvað réttari en hver önnur.

 

Heimild

Skora á ráðherra að endurskoða afstöðu sína